– Фиорентина ја понижи Сампдорија на нејзиниот стадион „Мараси” во Џенова во меч од 24. коло во Серија А.
„Виолетовите” од Фиренца славеа со убедливи 5:1, триумф во кој со два гола учествуваа Влаховиќ (18′ и 57′) и Киеза (40′ и 78′), а автогол во раната фаза од средбата постигна Торсби (8′). Почесниот за домашните беше дело на Габијадини во 90-та минута.
Јувентус со 2:0 ја порази Бреша, Парма однесе три бода од гостувањето кај Сасуоло (1:0) додека Удинезе и Верона во првиот денешен меч одиграа без голови.
Дербито на 24-то коло е вечерва на „Олимпико” каде Интер ќе му гостува на Лацио.
Серија А, 24. коло: Сампдорија – Фиорентина 1:5, Јувентус – Бреша 2:0, Сасуоло – Парма 0:1, Удинезе – Верона 0:0, Аталанта – Рома 2:1, Болоња – Џенова 0:3, Лече – СПАЛ 2:1.
Табела: Јувентус 57, Интер 54 (-1), Лацио 53 (-1), Аталанта 45, Рома 39, Верона 35, Парма 35, Болоња 33, Калјари 32 (-1), Милан 32, итн.
