Search

Експерти од Обединетите Нации ја напуштаат Унгарија

Експерти од работната група на Обединетите Нации за арбитрарно притворање, соопштија синоќа дека ја прекинуваат посетата на Унгарија бидејќи не им бил дозволен пристап до двете транзитни зони во близина на границата со Србија, во која се сместени бегалците и мигрантите.

Во соопштението се наведува дека експертите изразуваат протест поради одбивањето на властите да им дозволат посета во транзитните зони каде има и деца.

Наведено е дека унгарските власти однапред биле запознаени дека работната група сака да ја посети таа локација.

Унгарија во 2015 година подигна ограда од бодликава жица на границите со Србија и Хрватска, каде воспостави транзитни зони во кои барателите на азил се задржуваат до одлуката по барањето.

Властите во Будимпешта ги повикаа експертите на ОН да ја посетат земјата од 12 до 16 ноември. Работната група наведе дека нивниот мандат предвидува слободна истрага.

Треба да знаете
Последни објави