Владата предводена од СДСМ и Министерството за транспорт и врски потпишаа Договор за финансиска поддршка за евтини авиолинии со што се обезбедени евтини летови во наредните три години, наведуваат во соопштение од владејачката СДСМ.
Од таму информираат и дека финансиската поддршка што ја обезбедува Владата е 312 милиони денари или околу пет милиони евра до 2022 година, а појаснуваат и дека покрај досегашните релации, се воведуваат уште 8 нови линии, 4 од скопскиот и 4 линии од охридскиот аеродром.
„Со овој Договор, издиша уште еден балон на лаги на ВМРО-ДПМНЕ, партијата којашто лажно тврдеше дека граѓаните ќе останат без евтини летови и ширеше неоснована паника дека ниту една авиокомпанија нема да биде заинтересирана да обезбеди евтини летови“, стои во партиското соопштение во кое се додава дека не само што се укинати евтините летови, туку се обезбебедени и 8 нови дестинации.
