Во текот на изминатото деноноќие на подрачјето на СВР Скопје биле казнети 38 возачи бидејќи управувале возила со брзина поголема од дозволената.
Според СВР Скопје, од сообраќај се исклучени 18 возачи. Од нив двајца возачи затоа што управувал возило пијани, 15 возачи затоа што управувале возила без да се стекнат со право за управување на моторно возило и еден возач поради сторен останат прекршок.
Исто така, исклучени од сообраќај се и 16 возила бидејќи биле со истечена важност на сообраќајната дозвола.
Санкционирани се тројца возачи поради поминување на крстосница на црвено светло, двајца возачи поради не правилно престигнување, еден возач поради не давање на првенство на минување на возила во зона на крстосница, двајца возачи на мотоцикли поради неносење заштитен шлем, четири возачи поради неносење сигурносен појас за време на управување на моторно возило и 11 возачи поради користење на мобилен телефон при управување на возило.
Во текот на изминатиот ден издадени се 57 мандатни платни налози и 47 возила се подигнати со специјално возило „пајак”. Изминатите денови се случиле 10 сообраќајни незгоди во кои две лица се здобиле со тешки телесни повреди, а шест лица се здобиле со телесни повреди.
