Селекторот на фудбалската репрезентација на Англија, Герет Саутгејт и официјално го обнови договорот со „Гордиот Албион“. Тој ќе ја води репрезентацијата до 2024 година, кога завршува Европското првенство, објави „Скај спортс”.
Претходниот договор на Саутгејт со репрезентацијата беше пресметан до 2022 година со плата од три милиони евра годишно. Според новиот договор, како што пишуваат медиумите, Англичанецот ќе добива по пет милиони по сезона, што ќе го направи најплатен тренер во историјата на националниот тим.
Саутгејт ја предводеше репрезентацијата на Англија во 2016 година. Под негово водство, тимот стигна до полуфиналето на Светското првенство 2018 година, а играше и во финалето на Евро 2020 година.
