Мохамед Салах беше двоен стрелец во победата на Ливерпул против Црвена ѕвезда (4:0) во Лигата на шампиони, а покрај тоа усреќи и една навивачка во публиката на „Енфилд“.
По натпреварот, Египќанецот истрча до трибините и ѝ го подари својот дрес на една пресреќна навивачка.
Но, не замина со празни раце.
Девојката која држеше некаков транспарент напишан на арапски јазик, го повика до себе и откако го зеде дресот му подаде нешто завиткано како подарок, што подоцна се покажа дека е луксузна бонбониера вредна 42 фунти.
