Search

САД покрена обвиненија против вработени во Аерофлот за извоз на украдена електроника

 Американските власти покренаа обвиненија против 10 лица осомничени за криумчарење украдени електронски уреди во Русија и заговор за извршување злосторства.

Обвинението го издаде федералниот суд во Бруклин, Њујорк, соопшти Министерството за правда на САД.

Илегалниот извоз во Русија го вршеле курири, од кои многумина се поранешни и сегашни вработени во компанијата „Аерофлот”, а останатите се нејзини патници.

Електронските уреди шверцувани во Русија се проценуваат на вкупно околу 50 милиони долари. Значителен дел од оваа техника е произведен од Ејпл.

Електрониката е извезувана без дозволи.

Еден од уапсените успеал да пренесе повеќе од 1.000 уреди во периодот август-декември 2019 година, тогаш тој патувал четири пати од САД во Русија. Друг пренел вкупно 235 уреди во девет куфери за околу 250.000 американски долари.

За време на претресите, како дел од истрагата, кај обвинетите биле пронајдени над 600.000 американски долари во готовина и голема количина опрема.

Поради наодите од оваа истрага, американскиот Стејт департмент одзеде 110 визи на вработени во „Аерофлот” за учество во акцијата.

Треба да знаете
Последни објави