Соединетите Држави соопштија дека пред одбележувањето на 18-годишнината од нападите на 11 септември воведуваат санкции за голем број групи што ги сметаат за терористички и нивните приврзаници, вклучувајќи ја и палестинската група Хамас и Иранската револуционерна гарда.
Во соопштението на американскиот министер за финансии, Стивен Мнучин, се наведува дека „ на удар на санкциите се и 15 лидери, поединци и субјекти поврзани со групи како што се Хамас, Ал каеда, Исламска држава и Иранската револуционерна гарда“, пренесува „Ројтерс“.
Мнучин истакна дека модернизираната извршна наредба за борба против тероризмот на Трамп ги засилува американските овластувања кога цел на санкциите се финансиите на терористичките групи и нивните водачи.
Санкциите предвидуваат дека имотот на оние на кои се однесуваат во САД ќе бидат блокиран, а на американските граѓани ќе им биде забрането да работат со тие лица.
