САД како пропаганда ја оценија изјавата на рускиот претседател Владимир Путин дека Москва ќе одговори соодветно на секое ново поставување на американски нуклеарни ракети во близина на Русија.
САД сметаат дека тоа е пропаганда, која има за цел да го пренасочи вниманието од руското кршење на Договорот за уништување на ракети од среден и краток дострел (ИНФ).
-Изјавите на претседателот Путин се продолжение на руската пропаганда, со цел да се избегне одговорноста за руското кршење на ИНФ, изјави портпаролка на американскиот Стејт департмент.
САД на 1 февруари објавија дека ќе се повлечат од ИНФ, повикувајќи се на руското кршење на овој договор од 1987 година.
