Раководството на Јувентус ќе се потпира на големата ѕвезда Кристијано Роналдо во преговорите со ѕвездата на Бенфика – Жоао Феликс, објави „А Бола”.
Во материјалот се вели дека Кристијано веќе го советувал 19-годишниот фудбалер да потпише со италијанскиот шампион, кој ја прослави својата нова титула во Серија „А” пред неколку дена.
Тимот на Бенфика има тенденција да се раздели со својата ѕвезда ако добие 120 милиони евра. Исто така постои интерес за Жоао Феликс од Манчестер Сити, кој е подготвен да ја активира клаузулата за откуп на играчот.
Феликс неколку пати споделил дека сонува да игра заедно со Кристијано на ниво клуб, што би можело да биде од голема предност за Јувентус.
