Search

Романскиот претседател на пензионираниот генерал Николае Чиука му го довери мандатот за состав на новата влада

Романскиот претседател Клаус Јоханис денеска го назначи пензионираниот генерал Николае Чиука за мандатар за состав на новата влада, со што се стави крај на едномесечниот политички ќорсокак.-Политичката криза мора да заврши сега. Сега. Сега сите заедно треба да ставиме крај на оваа криза, што трае предолго, со оглед на пандемиската криза и драматичната состојба во болниците како што доаѓа зимата, рече Јоханис.

Либералот Чиука (54), кој во моментов е вршител на должноста министер за одбрана, служел во воените кампањи под водство на САД во Ирак и Авганистан.

Мандатарот има рок од десет дена да ги зацрта владините мнасоки на делување и да ја добие довербата од парламентот.

Дачијан Чиолос вчера не успеа да ја добие довербата на парламентот за неговата центристичка малцинска влада.

Романскиот претседател му даде мандат на Чиолос, лидерот на партијата УСР, да формира нова влада, откако неодамна беше изгласана недоверба на коалициската влада предводена од Флоријан Циту, која траеше само девет месеци.

Треба да знаете
Последни објави