Search

Ристоска за „Талир 2“: Груевски организирал, Божиновски реализирал

Кирил Божиновски, поранешниот генерален секретар на ВМРО-ДПМНЕ изјави дека не се чуствува виновен за злоупотреба на службента положба на денешното судење за случајот „Талир 2″, пренесе Фокус.

Поради бегството на екс премиерот Никола Груевски тој не можеше да се изјасни за вина, поради што и му се суди во отсуство, но сепак неговиот адвокат Горан Кракински, поставен по службена должност, истакна дека неговиот клиент не е виновен.

-Во постапката ќе докажеме дека Никола Груевски не е сторител на кривичното дело кое му се става на товар во обвинителниот акт, поради што ќе треба да се донесе ослободителна предуда, рече во воведниот говор адвокатот Кракински.

Претходно својот воведен збор го даде обвинителката Ленче Ристоска, која започна со реченицата дека службената положба и овластување не носат само повластувања, туку и одговорност.

-Со цел да обезбедат ново партиско седиште, обвинетите превземале низа активност спротивни на законските прописи. Груевски организирал, а Божиновски реализирал. Тоа ќе го докажат сведоците кои биле дел од комисиите на ВМРО-ДПМНЕ, членови на извршниот комитет на партијата, како и сведоци кои учествувале во проектите и изградбата на седиштето, рече обвинителката Ристоска, која додаде дека примарна дејност на партиите не е превземање на градежни потфати.

Треба да знаете
Последни објави