Лекарите во Рим предупредуваат на можни ризици по здравјето предизвикани од преполни контејнери на градските улици, додека италијанскиот главен град се бори со нови проблеми со ѓубрето поради летните горештини.
Собирањето и отстранувањето на ѓубрето е повеќедецениски проблем за Вечниот град. Рим нема локација за отстранување на 1,7 милиони метрички тони отпад, колку што се произведува секоја година откако депонијата Малагрота беше затворена во 2013 година.
Градоначалниците од различни партии се покажаа неспособни за решавање на проблемите со ѓубрето.
Градската администрација се соочува со незадоволство од римјаните и од туристите поради куп ѓубре што го загрозува здравјето на луѓето и го нарушува имиџот на градот.
