Најновите податоци што вечерва ги објави Министерството за здравство покажуваат дека Скопје останува град со најголем број на активни случаи на Ковид-19 од кои најмногу има во Аеродром, Карпош и Центар.
Во последните 24 часа се направени 1901 тестирања, а регистрирани се 561 нови случаи на Ковид-19, од кои во Скопје-27, па сега главниот град има 3562 активни случаи.
Во Аеродром се регистрирани 699 активни случаи, во Карпош 547 и во Центар 519. Потоа следуваат Гази Баба со 450 и Кисела Вода со 417 активни случаи. Трицифрени бројки на активни случаи има и во Ѓорче Петров – 286, чаир -166 и Бутел -152. Во останатите скопски општини е помал бројот на активни случаи.
