Двајцата најдобри стрелци во Ла Лига, Карим Бензема и Винисиус јуниор постигнаа голови за победа на Реал Мадрид во дербито против Севилја со 2:1 и сега Кралот е осамен на тронот во Ла Лига.
Гостите поведоа со погодокот на Рафа Мир, а потоа имаше момент за страшен рекорд што од вечерва му припаѓа на Карим Бензема.
Шпицот на Реал ја искористи бомбата на Асенсио и од близина погоди за 1:1, што му е 361. гол во кариерата, со кој стана најефикасниот француски играч на сите времиња.
До денеска беше заедбо на врвот со Тјери Анри, но сега успеа да го престигне.
Голот за историја на Бензема можете да го погледнете ОВДЕ.
Реал стравуваше за победа до 87. минута, кога блесна Винисиус јуниор со еврогол. Вториот најдобар стрелец во Ла Лига сезонава испали вистински проектил што заврши во аголот на голот на Севилја за вредна победа на најтрофејниот шпански клуб.
Реал сега има 33 бода, пред Атлетико Мадрид и Реал Сосиедад со 29 и Севилја со 28 бода.
