Реал Мадрид е силно заинтересиран за потписот на напаѓачот на Милан, Рафаел Леао, објави „La Gazzetta dello Sport”.
Според италијанскиот спортски весник, мадридскиот клуб е подготвен да плати 120 милиони евра за 22-годишниот Португалец.
Се истакнува дека откако напаѓачот на Пари Сен-Жермен, Килијан Мбапе го продолжи договорот со парискиот клуб, Леао стана главна трансфер цел на Реал Мадрид.
Договорот на напаѓачот со клубот од Милано е до 30 јуни 2024 година. Во сезоната 2021/22, тој постигна 14 гола и направи 12 асистенции во 42 натпревари за „Росонерите” во сите натпреварувања.
Во исто време, Леао беше прогласен за најкорисен играч (МВП) на сезоната 2021/22 во Серија А.
