Реал Мадрид по 16. одиграни кола во шпанската фудбалска Ла Лига е се подалеку од конкурентите во трката за титулата. „Кралевите“ на жешкото гостување кај Реал Сосиедад победија (0:2) и на вторпласираната Севилја и побегнаа осум бода, а од актуелниот шампион, градскиот ривал Атлетико Мадрид кој денеска загуби од Мајорка дома (1:2) се девет чекори понапред. И големиот ривал Барселона кој сезонава не е во трката за титулата беше изненаден на „Камп Ноу“ од Бетис (0:1).
Тренерот на Реал Мадрид, Карло Анчелоти покрај победата се соочи со една лоша, но и добра вест. Лоша вест е тоа што се повреди првиот напаѓач Карим Бензема кој заработи мускулна повреда, а го доби подзаборавениот напаѓач од Србија, Лука Јовиќ кој ја искористи укажаната доверба на местото од повредениот француски интеранционалец.
Јовиќ го замени Бензема во 17 минута, и во второто пелувреме беше играчот на одлука. Најпрво имаше одлична комбинација со Винисиус по која Бразилецот погоди за 0:1, а потоа го постигна и првиот гол оваа сезона по еден корнер.
Јовиќ го одигра најдобриот меч за Реал од стартот на сезоната и тоа е добрата вест за Анчелоти чиј тим го очекуваат мечеви со Интер во ЛШ и Атлетико Мадрид.
