Search

Радев: Го поканив претседателот на Северна Македонија да ја посети Бугарија

Претседателот на Бугарија, Румен Радев по денешната инаугурација на Стево Пендаровски за претседател на Република Северна Македонија, истакна дека Софија ја поддржува нашата земја во евроинтегративните процеси, јавија бугарските медиуми.

– Давам категорична и силна поддршка за европската политика на Северна Македонија. Треба да и помагаме да ги исполни условите за влез во Европската Унија, изјави Радев во Амбасадата на Република Бугарија во Скопје.

Како што пренесува МИА, Радев беше првиот со кој новиот претседател Пендаровски имаше тет-а-тет средба веднаш откако стапи на претседателкста функција.

Шефот на бугарската држава  додаде дека го поканил претседателот Пендаровски да ја посети Бугарија и тој ја прифатил неговата покана.

– Дијалогот со Пендаровски продолжува. Северна Македонија ни е најблиската држава. И двајцата се заложивме работата во врска со договорот за добрососедство да продолжи, рече Радев.

Треба да знаете
Последни објави