Search

Протест на жителите на Трубарево по тешката сообраќајка со две жртви

Жителите на скопско Трубарево со блокирање на регионалниот пат Трубарево – Петровец преку мирен протест го изразија својот револт по тешката сообраќајна несреќа која се случи во неделата во ова населено место и во која животот го загубија две лица 40-годишен мотоциклист и дете на 9-годишна возраст.

Тие бараат на овој пат да се постави соодветна сообраќајна сигнализација, поголема полициска контрола, како и измени во законот за сообраќај со што предизвикувачот на несреќата доколку е под дејство на алкохол или не ги почитува прописите и во истата има жртва сторителот да одговара за убиство со умисла.

Жителите на овој дел од Скопје се револтирани бидејќи токму на овој патен правец постојано се случуваат сообраќајни несреќи со жртви, а како главни причини ги наведуваат возењето со преголема брзина и многу често управување на моторни возила под дејство на алкохол.

Иста беше и причината за сообраќајката во неделата. 72-годишниот возач е во притвор, а првичната истрага утврди дека возел под дејство на алкохол и со неприлагодена брзина на патот.

Треба да знаете
Последни објави