Search

Пронајдени малолетните момче и девојче што избегаа од дома

Двајцата малолетници, момче и девојче, кои вчера заедно избегаа биле пронајдени од полицијата и вратени во нивните семејства во Велес.

Како што претходно информираше МВР, 14-годишно девојче и 15-годишно момче кои биле во љубовна врска и побегнале од дома, бидејќи родителите им бранеле да живеат заедно.

Во саботата вечерта  во 22 часот во полициската станица Куманово 44-годишниот Р.Х. од Куманово пријавил дека неговата 14–годишна ќерка се одалечила од домот, а истиот ден околу 21.30 часот во полициската станица Велес, 40-годишниот Т.Ј. од Велес пријавил дека околу 19 часот во неговиот дом дошло токму пријавеното девојче од Куманово,  кое било во љубовна врска со неговиот 15-годишен син. Девојчето и предходно повеќе пати доаѓало кај нив.

Двете деца му кажале на таткото дека сакаат да живеат заедно.

-Тој им рекол дека ќе ги пријави во полиција зашто се малолетници и не сака да има проблеми со полицијата. Потоа, тие излегле од домот и заминале во непознат правец, информираа од СВР Велес.

 

Треба да знаете
Последни објави