Татко и син од село Радуша вчера се приведени во Полициската станица во Ѓорче Петров откако физички нападнале полициски службеник.
Како што соопшти денеска МВР, на влез во скопското село Радуша вчера околу 11.00 часот полициски службеници дале знак за запирање на патничко возило „фиат”, без регистарски ознаки, а управувано од Б.Ф.(22) од село Радуша. Возилото не застанало, туку продолжило со движење.
– По преземени мерки, Б.Ф. бил забележан пред неговиот дом во село Радуша, каде што тој и неговиот татко Н.Ф.(56) физички нападнале полициски службеник. Б.Ф. и Н.Ф. се приведени во Полициската станица Ѓорче Петров за понатамошна постапка. По целосно документирање на случајот, ќе бидат поднесени соодветни поднесоци, стои во соопштението од МВР.
