Search

Прва победа за „Металург“ во Лигата на Шампиони

Ракометарите на „Металург“ ја постигнаа првата победа во Лигата на шампиони по петте порази сезонава. Тимот од Автокоманда вечерва во Скопје славеше против „Чеховски Медведи“ со 25:24, иако на полувремето имаше високи 16:10.

За „Металург“ настапија новите три засилувања, Александар Шпенде, Миха Пучник и Гонзало Рибеиро, кои дојдоа по заминувањето на Халил Јагањац.
Домаќините во првите 30 минути го одиграа најдоброто полувреме сезонава, што беше пресудно за конениот резултат. Никола Даниловски имаше десет одбрани, а во нападот сите успеаја да искористат можност да дојдат до погодок.

„Металург“ успеваше да ја одржува предноста до средината на вториот дел и резултат 22:18, по што Русите полека почнаа да ја намалуваат предноста и да дојдат до еден гол разлика и напад за реми, но не ја искористија шансата.

Даниловски додаде уште шест одбрани во продолжението,а најдобар стрелец кај домаќините беше Димитриоски со пет гола. Токиќ, Шпенде и Серафимов додадоа по четири гола. Кај „Чеховски Медведи“ Маслеников даде седум гола.

Фото: Слободан Ѓуриќ

Треба да знаете
Последни објави