Во неколку градови во Германија, градските совети беа евакуирани по дојавите за поставени бомби.
Градската сала во Аугсбург, Кајзерслаутерн, Хемниц, Гетинген, Нојнкирхен и Рендсбург беа евакуирани.
Според „Билд“, заканите биле испратени директно до имејл-адресите на советите. Оваа информација беше потврдена од страна на истражувачите во неколку градови.
Засега нема докази за поставена експлозивна направа во зградите на градските совети.
По предупредувањето во Аугсбург е евакуирана зградата на градскиот совет, и запрени се сите трамвајски линии во негова близина.
Во Кајзерлаутерн, заканата дојде преку имејл, а полицијата веднаш отиде во градското собрание. Областа околу собранието е оградена, но моментално нема закана.
Во Гетинген, теренските иследници пристигнаа околу 9 часот наутро.
„Во моментов нема луѓе во зградата”,изјавија за „Билд“, додавајќи дека сè е затворено. Тие планираат да ја пребараат целата зграда со кучиња за пребарување експлозиви.
Полицијата, исто така, интервенираше во Нојнкирхен по изјавата за бомба во раните утрински часови. „Градското собрание е привремено затворено”, рече полицијата.
