Search

Потпишана спогодба меѓу Македонија и Украина за безвизен режим

Денес, министерот за надворешни работи Никола Димитров и амбасадорот на Украина во Република Северна Македонија, г-ѓа Наталија Задорожњук, потпишаа Спогодба меѓу Владата наРепублика Северна Македонија и Кабинетот на министри на Украина за условите за заемни патувања на државјаните од двете земји. Спогодбата ги уредува правилата и начинот за воспоставување и практикување на безвизниот режим помеѓу Северна Македонија и Украина (без никакви документи како услов за влез) и им овозможува на државјаните на двете земји, носители на биометриски патни исправи, влез, транзит и краткорочен престој од  90 до 180 дена без виза.

Оваа Спогодба се очекува да даде особен придонес за натамошно интензивирање на севкупната соработка, особено на економски план, преку олеснување на деловните врски и контакти меѓу двете земји, како и развој на туризмот. На средбата што следеше по потпишувањето на Спогодбата беа потврдени традиционално добрите односи меѓу Северна Македонија и Украина, а стана збор и за актуелни прашања од заемен интерес.

Треба да знаете
Последни објави