Search

Полициска рација во Стразбур како дел од потрага по напаѓачот на божиќниот панаѓур

Вооружени француски полицајци денеска започнаа рација во округот Нојдорф во Стразбур како дел од потрагата по напаѓачот кој уби тројца луѓе на божиќен панаѓур во овој источен француски град.

Елитната единица на француската полиција, RAID, е распоредена по една улица, а некои од вооружените полицајци претресуваат куќи во потрага по напаѓачот. Други го прошируваат безбедносниот периметар на соседните населби, објави агенцијата „Ројтерс“.

Засега не е јасно дали полицијата има информации дека напаѓачот се крие во оваа населба, каде што последен пат бил виден по нападот во вторникот вечерта.

По Шериф Чекат, напаѓач во бегство, денес трагаат 720 полицајци низ источна Франција, иако не е сигурно дека тој уште е на територијата на оваа земја. Властите порачаа дека го бараат жив или мртов.

Чекат последен пат бил виден во населбата Нојдор, од каде му се губи трага.

Треба да знаете
Последни објави