Тренерот на Пари Сен-Жермен, Маурисио Покетино, ги сподели своите размислувања пред натпреварот од француското фудбалско првенство против Мец.
– Презадоволни сме од тимот. Тимот се подобрува – тоа го сакавме. Со текот на времето, ќе напредува уште повеќе. Ние сме на вистинскиот пат. Играта против Лион беше многу добра. Ние сме тимот што тие сакаат да го победат во Франција. Противниците се опуштени кон нас затоа што си велат дека нема што да загубат. Ова им овозможува на играчите да настапат на најдобар можен начин и им дава голема мотивација. Сакаат да покажат дека можат да бидат на исто ниво со нашите играчи. Ние сме ПСЖ, треба да најдеме мотивација. Тоа зависи од нас, од нашата решеност да го направиме тоа. Ова е нашата задача. Ако го направиме ова, ќе бидеме близу до победата, рече Покетино.
Натпреварот Мец – ПСЖ од 7. коло на францускиот фудбалски шампионат се игра вечер со почеток во 21 часот.
