Најмалку 18 лица загинаа, а 12 се повредени во пожар што изби на клиниката за рехабилитација на зависници од дрога во Гвајакил, втор најголем град во Еквадор, соопштија локалните власти.
Пожарот избил кога пациентите ги запалиле душеците и се обиделе да побегнат од клиниката, која ја немала потребната дозвола за работа, јави Тања Варела, началничка на полицијата, пренесе „Ројтерс“.
Полицијата планира да ги уапси сопственикот и директорот на клиниката.
Импровизираните центри за лечење се честа појава во земјата, додава британската агенција.
