Американецот Камерон Андервуд (26) вели дека повеќе не се загледуваат во него кога се шета по улицата и никој ништо не го прашува.
-Имам нос и можам да се насмеам, можам да зборувам и да јадам цврста храна, објаснува Андервуд за ББЦ.
Поминаа две години откако Андервуд се обидел да се убие пукајќи си во главата. При тоа останал бз носот и поголемиот дел од долната вилица. Му останал само еден заб. Повеќе од 100 лекари и медицински персонал во јануари годинава 25 часа го оперираа Андервуд за да го вратат лицето.
-Многу сум благодарен за трансплантацијата на лицето бидејќи таа ми дава друга шанса во животот, изјави Американецот на прес-конференцијата која се одржа во вторникот во Њујорк.
Андервод е опериран само 18 месеци по обидот за самоубиство. Од Болничкиот центар во Њујорк велат дека тоа е најкраток временски интервал помеѓу повредата и операцијата во историјата на САД. Првата трансплантација на лице беше изведена во 2005 година, а до денеска низ целиот свет, се изведени повеќе од 40 .
Cameron Underwood was injured from a self-inflicted gunshot wound, which left him in need of a #facetransplant. Plastic surgeon Dr. Eduardo D. Rodriguez completed a successful face transplant surgery on Cameron in January 2018. His miraculous comeback. https://t.co/qGvEIEKKX1 pic.twitter.com/EsPUrADWW9
— NYU Langone Health (@nyulangone) November 29, 2018
Лекарите на Андервуд му ја реконструираа горната и долната вилица, сите заби, непцето и долниот дел од устата, долните капаци, носот и јазикот. Од болничкиот центар велат дека ова е досега технолошки најнапредната трансплантација на лица во САД, а за неа за прв пат е употребана тридимензионално испечатена маска од лицето на донорот, 23-годишниот Вила Фишер – шампион во шах, писател и режисер. Тој починал трагично, нпбил регистран донатор на органи.