Победа на СДСМ во прв круг и во Делчево, убедливо водство во Берово, Карпош, Пробишип, Богданци, Центар и Пехчево, брифираат за 24 Инфо од СДСМ.
Претходно вицепремиерот и заменик претседателот на СДСМ, Фатмир Битиќи на дебатата на ТВ Телма рече дека според првичните информации, досега имаат добиено четири општини во првиот круг.
-Победа имаме во Дојран, Крива Паланка, Лозово и Валандово. Сериозно водство имаме во Бутел, Ресен, Крушево, Струмица и други општини според досега пристигнатите првични резултати.Ова е правецот што го зададовме. Нема да се повтори 2017 година и сметам дека не би требало да се повтори, бидејќи за демократијата е подобро да има разноликост, а не еднобојност, кажа Битиќи.
