Search

Пет члена на едно семејство заробени под урнатините, меѓу нив близнаци и уште едно дете

Шестчленото семејство Лала е заробено под урнатините на четирикатна зграда во Драч по силниот земјотрес што ја погоди Албанија во вторникот. Спасувачите успеале да го извадат телото на жената, но не можеле да ги пронајдат преостанатите пет члена, меѓи кои близнаци и уште едно дете.

Албанските спасувачи успеале да го лоцираат и да го извлечат телото на жената, но нејзиниот идентитет сè уште не е познат, јавуваат медиумите.

Тие додаваат дека таа е една од шесте членови на семејството Лала кои биле затрупани по уривањето на зградата во земјотресот.

Според извештаите во медиумите, спасувачите не успеале да ги пронајдат преостанатите членови на семејството, вклучувајќи близнаци и друго дете.

Сè помали се надежите дека спасувачите ќе најдат некој жив под урнатините на зградите во Албанија, два дена по земјотресот во кој загинаа 39 лица, според најновите податоци.

Властите соопштија дека операцијата за спасување во Туман е завршена и се верува дека нема затрупани луѓе под урнатите згради.

Операцијата за спасување во Драч продолжува.

Треба да знаете
Последни објави