Search

Петмина повредени во сообраќајка во Скопје

Петмина биле повредени во судир на две возила, вчера во Скопје, информираше МВР.

Според полицијата, сообрќајната несреќа се случила околу 19.30 часот на крстосницата од булеварот Никола Карев и улиците Самоилова и Максут Садик. Тогаш се судриле патничко возило „рено трафик” со скопски регистарски ознаки, управувано од Б.А.(51) од Кочани и автомобил „шкода рапид“, што ја управал С.Г.(26) од скопското село Буковиќ.
Во сообраќајката биле повредени возачот на „реното”, како и сопатниците М.Ј.(56), Л.Т.(33), Е.Г.(35) и Г.Г.(69), сите од Кочани.
Повредените Л.Т. и Е.Г. биле пренесени во приватната здравствена установа „Жан Митрев” каде им била укажана лекарска помош. Кај Л.Т. биле констатирани тешки телесни повреди, додека кај Е.Г. биле констатирани телесни повреди. Возачот Б.А. и Г.Г. со возило на Итна медицинск апомош биле пренесени во Градската општа болница „Св.Наум Охридски” и по укажаната помош биле пуштени на домашно лекување. М.Ј. со возило на Итна медицинска помош била пренесена во Ургентен центар при комплекс клиники „Мајка Тереза” каде и биле констатирани тешки телесни повреди.

Возачот на „шкодата“ со друго возило бил пренесен во Градската општа болница „8 Септември” каде му била укажана лекарска помош и бил пуштен на домашно лекување. Увид на местото извршила екипа од СВР Скопје.

Треба да знаете
Последни објави