Петмина припадници на антитерористичка единица и двајца милитанти загинаа во напад врз скриено засолниште на милитантна група во Пакистан, соопшти денеска полицијата.
Според портпаролот на полицијата Имтијаз Кан, кога командосите се обиделе да нападнат куќа во областа Чилас, која граничи со Авганистан, на 460 километри од Пешевар, тие биле заслепени од експлозија.
Борбата траела неколку часа, информира Кан.
Во борбата се убиени двајца бунтовници, а пронајдена е и голема количина оружје и експлозиви, додаде тој.
Веднаш беше јасно дека станува збор за скривалиште на пакистанските Талибанци, ТТП (Tehreek-e-Taliban Pakistan), група активна во таа провинција.
Пакистан соопшти дека членовите на забранетата милитантна група ТТП пронашле безбедно засолниште во Авганистан.
Според извештај на ОН објавен минатата недела, 6.000 милитанти од Пакистан се кријат во соседен Авганистан, повеќето од ТТП, која е поврзана со припадниците на Исламска држава.
ТТП и ИД, според извештајот на ОН, претставуваат сериозна закана и за Авганистан и за Пакистан.
Во текот на 2018 година, тие запалиле 14 училишта за девојчиња, а полицијата уапсила повеќе од 35 милитанти осомничени за учество во напади.
