Search

Патувачкиот автобус на ЕУ низ осум градови во земјава

Амбасадори од неколку земји членки на ЕУ, студенти и претставници на медиуми од денеска до 31 мај ќе посетат осум градови низ земјава. Патувачкиот автобус на ЕУ со претставници од Делегацијата на Европска Унија е дел од кампањата „ЕУ за тебе”.

Целта на патувачкиот автобус на ЕУ, организиран од Делегацијата на Европска Унија, е да се воспостави директна комуникација со граѓаните и да се дискутира за нивните надежи и грижи во врска со Европската Унија и европската иднина на Северна Македонија.

Граѓаните ќе имаат можност да постават прашања поврзани со Европската Унија, процесот на пристапување во ЕУ, можностите за финансирање преку ИПА и други програми за помош на ЕУ, преку директна комуникација со екипата на ЕУ патувачкиот автобус. 

 Посетите вклучуваат дебати со ученици од средните училишта за „Визијата на младите за Европската Унија”, велосипедски родео активности за најмалите, како и други активности.

Треба да знаете
Последни објави