Партијата за Движење на Турците (ТХП) како водечка партија на турската заедница во С.Македонија продолжува со граѓанските средби низ целата земја. Со слоганот @Сите заедно, насекаде”, под водство на претседателот Енес Ибрахим и раководството, ТХП организираше панел дискусија со граѓаните на Гостивар.
Во своето обраќање Ибрахим ги истакна достигнувањата на ТХП во изминативе години, притоа акцентирајќи ги реализираните проекти и успеси во доменот на образование, култура и економија. Според Ибрахим клучот за континуитетот на овој успех е во заедништвото со сите слоеви на општеството, но и доследни и долгорочни политички ставови.Средбите со граѓаните се клучен фактор за создавање на вистински политички решенија, а со таа цел ТХП интензивно ќе продолжи да се состанува со целата турска заедница, соопшти партијата.