Наследничката на синџир луксузни хотели и реалити-икона, Парис Хилтон, соопшти дека ќе го прикаже чекорењето до олтарот во претстојната документарна серија во 13 дела, со наслов „Вљубена Парис“.
„Се омажам и вие сте поканети“, сподели 40-годишната идна невеста, која може да се пофали со 46 милиони следачи на социјалните мрежи.
„Дојдете зад сцена со мене на мојата венчална тура во мојата нова серија што доаѓа наскоро на Peacock!“ напиша таа.
Paris in Love ќе го опфати целиот процес од бирање на невестинскиот фустан до свадбената церемонија како и забавата, а гледачите ќе ја видат личната страна на Парис што ја гледаат само нејзините најблиски пријатели и семејството.
Хилтон и нејзиниот свршеник Картер Реум прославија 17 месеци како пар на 29 април.
40-годишниот Картер, ко-основач на М13, ја запроси Парис во февруари додека беа на одмор на приватен остров.
