Богатата наследничка Парис Хилтон (39) секогаш внимава на својот стил и ништо не остава на случајот, па дури ни маската за лице. Таа отиде на вечера со своето момче Картер Реум и пријателите, а на лицето носеше полупроѕирна маска украсена со дијаманти. Парис се прошета во бел фустан од тантела, чевли со високи потпетици, а елегантниот стил го дополни со маска од дијаманти, која повеќе е моден додаток отколку заштита против коронавирусот поради дупките.
Картер е нејзиното прво момче по прекинувањето на свршувачката со Крис Зилк во ноември 2018 година. Нивните блиски пријатели им соопштија на американските медиуми дека тие уживаат во љубовта и одлично се сложуваат. Парис и Картер се појавија во јавноста првпат на доделувањето на наградите „Златен глобус“.
