Француската полиција вечерва застрела маж кој претходно со нож нападна друго лице во близина на Париз и го обезглави.
Обвинител за антитероризам изјави дека се истражува нападот кој се случи во населбата Конфлан Сент-Онорин, предградие северозападно од Париз. Напаѓачот е тешко повреден.
Полициски извор истакна дека очевидци го слушнале напаѓачот како извикува „Алах Акбар” (Бог е голем).
Француските медиуми објавија дека жртвата бил наставник во локално училиште, а напаѓачот бил родител на ученик. Полицијата засега не ги потврдува таквите наводи.
