Пакистан во вторникот го повика заменикот амбасадор на САД во Исламабад по твитовите на претседателот Доналд Трамп за улогата на Пакистан во борбата против тероризмот и заробувањето на Осама бин Ладен, пренесува „Спутник“.
„Секретарот за надворешни работи го повика заменикот амбасадор на САД, Пол Џонс, да му изрази силен протест за неоснованите наводи упатени против Пакистан. Отфрлајќи ги инсинуациите за Осама бин Ладен, секретарот за надворешни работи го потсети американскиот дипломат дека токму пакистанската разузнавачка служба ги обезбеди првичните докази за локацијата на Бин Ладен “, се вели во изјавата на Министерството за надворешни работи на Пакистан, додавајќи дека неоснованата реторика за Пакистан е целосно неприфатлива.
Соопштението дојде кусо откако Трамп твитна дека Пакистан не им дал ништо за возврат на САД за милијарди долари помош, и посочи дека пакистанските власти знаеле каде е Бин Ладен пред неговото убиство од страна на американските специјални сили во 2011 година во рација на неговата куќа во Пакистан.
Of course we should have captured Osama Bin Laden long before we did. I pointed him out in my book just BEFORE the attack on the World Trade Center. President Clinton famously missed his shot. We paid Pakistan Billions of Dollars & they never told us he was living there. Fools!..
— Donald J. Trump (@realDonaldTrump) November 19, 2018
Претходно, премиерот на Пакистан, Имран Кан, ја осуди изјавата на Трамп, велејќи дека тој треба да ги научи историските факти дека ниту еден Пакистанец не бил вклучен во терористичкиот напад на 11 септември и дека земјата се приклучи во американската војна против тероризмот.
Во интервју за „Фокс њус“ на 18 ноември, Трамп го обвини Пакистан дека му дал засолниште на Бин Ладен, велејќи дека терористите живееле покрај престижната воена академија во земјата. Потус, исто така, го нападна поранешниот командант за специјални операции, потполковник Вилијам Мекравен, поради тоа што не успеа да го фати Бин Ладен пред 2011 година.
Тензиите меѓу двете земји ескалираа откако САД објавија дека ќе ја намалат финансиската поддршка од Пакистан за 800 милиони долари.
