Search

Откриени 72 мигранти вчера на две локации, криумчарите во бегство

Полицијата открила 72 мигранти, вчера на две различни локации, но не ги нашла криумчарите, информираше МВР.

-На 17.06.2019 година околу 17.20 часот на магистралниот пат Радовиш– Штип, кај клучката за село Тополница, при преглед на претходно паркирано патничко возило „Форд Транзит“, полициски службеници пронашле 20 лица мигранти, сите државјани на Бангладеш. При преглед на товарно возило „Фолксваген Транспортер“, биле пронајдени уште 21 лице – мигранти, од кои 16 државјани на Бангладеш и пет државјани на Пакистан. Се преземаат мерки за расчистување на случајот, велат од МВР.

Претходно, околу 15 часот на земјен пат, во близина на клучката за археолошкиот локалитет „Стоби“, при преглед на претходно паркирано товарно возило „Мерцедес“, полициски службеници пронашле 31 лице – мигранти, од кои 29 државјани на Пакистан и двајца државјани на Бангладеш.

Треба да знаете
Последни објави