Поранешниот директор на Федералната служба за извршување санкции во Русија, Виктор Свиридов изврши самоубиство во судница во Москва, откако беше осуден на три години затвор под обвинение за корупција.
Судот во Москва потврди дека Свиридов починал откако пукаше со пиштол кон себе, пренесе ТАСС.
Свиридов, кој боледува од рак, беше осуден за изнуда од 10 милиони рубли (158.500 американски долари) на три години во установа со висок степен на обезбедување.
Тој претходно се изјасни за виновен и неговите адвокати побараа да не биде осуден на затворска казна.
Во тек е истрага за тоа како обвинетиот успеал да внесе пиштол во судницата.
