Search

Олимпискиот го совлада светскиот првак, Франција преку Данска до полуфинале

Француските ракометари се вратија од „изгубена позиција“ и ја совладаа Данска за ново полуфинале на Европското првенство (30:29).

Данска беше сигурен полуфиналист, додека Франција мораше да победи и успеа, иако во еден момент имаше пет гола негатива.

Јакобсен одлучи на овој дуел да ги одмори најдобрите Микел Хансен и Матијас Гидсел, но тоа не се почувствува во играта и Данска беше подобар тим од самиот старт.

Данска имаше пет гола предност во 36-та минута (21-16), но потоа Франција предводена од фантастичниот Дика Мем направи серија и дојде до израмнување на три минути до крајот. Потоа се играше гол за гол, а „триколорите“ на крајот славеа со 30:29.

Данска во полуфиналето ќе ги одмери силите со Шпанија, додека Франција ќе игра против Шведска.

Треба да знаете
Последни објави