Не постои жена која не оди на шопинг со уживање, особено кога ќе дојде период на попусти.
Токму поради тоа што сè што гледаме ни изгледа како да ни е потребно, често правиме шопинг грешки поради кои кога-тогаш ќе се покаеме.
1. Купување во друштво
Вистинската шопингхоличарка знае дека на шопинг може да се потпре само самата на себе. Ниту една жена не сака да ѝ се наметнува мислење за тоа што би требало да купи, а што не. Впрочем, сите имаме барем едно парче кое другарките нè натерале да го купиме, а никогаш не сме го облекле.
2. Чување непотребна облека
Пред да одлучите дека ви е потребна нова облека, размислете за тоа дека плакарот ви е полн и дека повеќе немате каде да ги составите своите „крпи“. Одвојте еден ден за организација и преуредување на плакарот и исфрлете сè што воопшто не носите, за да направите место за новите дневни парчиња. Облеката која ја носите, доколку е сочувана, можете да ја донирате во хуманитарни цели и на тој начин да направите добро дело.
3. Не купувате облека која веќе ја имате
Чудно, но до ова правило се придржуваат многу жени. Сепак, време е да се промени. Ако вашите омилени фармерни повеќе не се доволно сочувани за носење, зошто не купите нови? Ако нешто добро ви прилега, не е погрешно одвреме навреме да ја надополните својата колекција со исто такво ново парче.
