Обезбеден нов апарат за видео лариноскопија и ендоскопија за обезбедување на дишен пат
Министерството за здравство, информира дека е набавен нов апарат за видео лариноскопија и ендоскопија за обезбедување на дишен пат, вреден 70 илјади евра, а иститот е наменет за пациентите кои се лекуваат на Клиниката за анестезија, реанимација и интензивно лекување – КАРИЛ, соопштуваат од министерството за здравство.
„Со помош на овој апарат, анестезиолозите ќе можат полесно да интубираат пациенти кои се хоспитализирани на оваа клиника и се во ризик. Директорката на КАРИЛ, Маја Мојсова-Мијовска, вели дека досега овие зафати се правени механички со директна визуализација, а отсега тоа ќе се работи со овој порт, кој има мала камера и екран кој на анестезилогот и неговиот тим имаат комплетен увид како се прави зафатот.
„Оваа платформа е многу важна за лекарите, но и за пациентите на кој треба да им се се поставуваат тубуси. Поставувањето на тубусите е неопходно за сите пациенти врз кои се врши некој посериозен зафат. Ова е навистина голема придобивка за сите, многу вреден апарат“, вели Мојсова-Мијовска.
