Search

Обвинителството изврши увид на местото на убиството во Слупчане

ОJO Куманово изврши увид во близина на селото Слупчане каде синоќа беше пронајдено возилото кон кое биле истрелани повеќе куршуми. На увидот беше констатирано дека од близина е пукано во автомобил во кое се наоѓале две лица, возач и неговото осумгодишно дете. Двете лица биле смртно повредени и починале на лице место, се вели во соопштението на ОЈО.

„По насока на надлежен јавен обвинител, увидната екипа на МВР ги обезбеди и подигна трагите од лице место и истите ќе бидат предмет на натамошно вештачење. Пронајдени се и подигнати поголем број испукани чаури преку чие вештачење се очекува да се утврдат битни факти во предметот. Ќе биде извршено вештачење и на возилото на кое се видливи повеќе траги од напад со огнено оружје. Издадена е и наредба за вршење обдукција на телата на починатите“, велат од ОЈО.

ОЈО Куманово презема дејствија со цел целосно расчистување на убиството.

Треба да знаете
Последни објави