Нов земјотрес со јачина од 3,5 степени според Рихтеровата скала бил почувствуван сииноќа во 20 и 54 часот во Загреб. По овој, бил почувствуван уште еден поблаг потрес.
Од првиот земјотрес со јачина од 5,5 степени на Рихтер, кој го погоди Загреб и околината во неделата, па сè до полноќ во понеделникот, хрватската сеизмолошка служба забележала вкупно 74 земјотреси.
Повеќето од нив, дури 42, се со јачина од 2 степени според Рихтер.
Во потресот од неделата почина едно девојче, а се повредени 27 лица, од кои 18 потешко.
