Search

Нетанјаху: На повидок нова ера за Израел и Косово

Израелскиот премиер Бенјамин Нетанјаху, вечерва, по повод еврејската Нова година им се обрати на граѓаните на Косово и на припадниците на еврејската заедница во Косово и рече дека последните настани влеваат надеж дека претстои „нова ера”, од која ќе имаат корист и израелските и косовските граѓани.

„Испраќам топли Рош Хашана поздрави до сите вас во Приштина. Оваа година подавам рака на пријателство на народот на Косово. Најновите случувања меѓу Израел и Косово може да ни помогнат да влеземе во нова ера од која ќе имаат корист и двете нации”, се вели во писмената порака на Нетанјаху, прочитана на церемонијата на прослава на Рош Хашана во Приштина.

„Убеден сум дека можеме да постигнеме многу работиме заедно и искрено се надевам дека ќе го постигнеме тоа”, се вели во пораката на израелскиот премиер.

На прославата на Еврејската Нова година во хотелот „Емералд” во Приштина присуствуваа и претседателот на Косово Хашим Тачи, премиерот Авдулах Хоти, спикерот на Собранието Вјоса Османи, како и поранешниот премиер и лидер на движењето „Самоопределување” Албин Курти.

Треба да знаете
Последни објави