Search

На 17 март почнува судењето на Нетанјаху поради корупција

Судењето на израелскиот премиер Бенјамин Нетанјаху за корупција ќе почне на 17 март, две недели по изборите, соопшти денеска Министерството за правда.

Како што се наведува во соопштението, Нетанјаху ќе мора да присуствува на рочиштето на кои ќе биде прочитано обвинението против него.

Нетанјаху го негира обвинувањето и кон крајот на минатиот месец изјави дека го повлекува барањето за добивање на имунитет во Парламентот од кривично гонење поради обвиненијата за корупција.

Израелскиот премиер во ноември минатата година беше обвинет за измама, злоупотреба на довербата и земање на мито во три случаи поврзани со трговија на политички услуги во замена за позитивно известување за него во медиумите и земање на мито од богати пријатели.

Треба да знаете
Последни објави