Oтсекогаш имало разни теории на завери околу тоа како кралицата и принцот ги „одржуваат“ во живот, безброј шеги на нивна сметка, па дури и кладби за тоа колку ќе живеат.
Принцот Филип живееше 99 години.
Кралицата пак, има 94. А 73 години биле во брак.
Повеќе биле заедно отколку што биле сами.
Можете да ја сакате или не Елизабета Втора и целото британско кралско семејство, но моментот кога таа се разделува од човекот со кој делела живот повеќе од седум децении, буди дури и кај најповршните набљудувачи грутка во грло.
Не, бидејќи заминува некој големец, не бидејќи една кралицата останува сама, туку бидејќи гледаме дека збогувањето со љубовта ги крши и оние за кои многупати сме сметале дека се безмилосни.
Фотографијата на која Елизабета седи сама во капелата со отсутен поглед, веројатно е најтажната фотографија од погребот на принцот Филип.
Тоа не е само фотографија на кралица која го изгубила својот сопруг.
Гледаме жена која целиот свој живот била опкружена со луѓе, блиски и оние што тоа сакале да бидат – искрено или од интерес, желба за моќ – а сега е сама.
Но, тоа е фотографија која воедно е огледало на она што го живееме особено последниве години…
Преземено од Fashionel