Search

Најмалку шестмина загинати во судири во Судан

Најмалку шест лица загинаа, меѓу кои и еден офицер, во судирите меѓу суданските демонстранти и приврзаниците на соборениот претседател на Судан, Омар ал Башир, што се случија во текот на ноќта.

Демонстрантите, но и Воениот совет кој е на власт, соопштија дека нападот го предизвикале луѓе од безбедносните сили на Ал Башир.

Во текот на своето 30-годишно владеење, тој формираше неколку паравоени формации.

Американската амбасада во Судан тврди дека за нападот е одговорен Воениот совет.

Како што соопшти Амбасадата, припадници на Советот дале наредба да се тргне блокадата на патот и да се искористи солзавец против демонстрантите, што на крај резултираше со насилство во текот на ноќта.

Лекарската комора на Судан соопшти дека шестмина се загинати, додека Војската на Судан потврди дека меѓу загинатите е еден мајор.

Според податоците на Комитетот, повеќе од 200 луѓе се повредени.

Треба да знаете
Последни објави