Срцето на Ѓорѓе Балашевиќ не издржа, а ниту респираторот, ниту големите напори на лекарите од Клиничкиот центар на Војводина не му помогнаа на легендарниот кантавтор, пишува Курир.
До петокот утрото Балашевиќ бил релативно стабилен на Одделот за интензивна нега на Клиниката за инфективни болести, а планот на лекарите бил, наводно, да го префрлат на ковид-одделението на Институтот за белодробни заболувања во Сремска Каменица.
Сепак, состојбата на Балашевиќ одеднаш се влоши и тој беше интубиран на Клиниката за инфективни болести. Но, штом го ставија на апарати за дишење, срцевиот ритам паднал под 50 отчукувања во минута.
– Лекарите веднаш му вградиле пејсмејкер, но, за жал, по половина час неговото срце застана. Тие се обидувале да го реанимираат час и половина. Правеле електрични шокови, му даваа адреналин, се обидоа да го спасат и плачеа додека се бореа за неговиот живот … но немаше спас. Правата линија не се помрдна. Иако на сите им беше јасно дека го изгубија, тие не се предава. Додаваа и додаваа адреналин, но на крајот мораа да запрат. Плачеа со часови после тоа, изјави неименуван извор за Курир.
